તમે પ્રાણી સંગ્રહાલયમાં ચાલી રહ્યા હોવ અને અચાનક જોરજોરથી રડતા બાળકનો અવાજ આવવા લાગે તો પછી તમે આસપાસ જોવાનું શરૂ કરશો. પણ તમે કોઈ રડતા બાળકને જોશો નહીં. કારણ કે ઓસ્ટ્રેલિયાના સિડનીમાં એક એવું પક્ષી છે જે બાળકની ચીસો જેવો અવાજ કરે છે.
પક્ષીશાસ્ત્રીઓ તેને ખૂબ જ અનુકરણ કરનાર પક્ષી માને છે. કારણ કે તે માનવ અવાજોનું અનુકરણ કરે છે. સિડનીના તરોંગા ઝૂમાં રહેલ આ પક્ષીનું નામ ઇકો છે. આ તેનું હુલામણું નામ છે. જ્યારે તેને લેરેબર્ડ કહેવામાં આવે છે. તેનું વેજ્ઞાનિક નામ મેરુના નોવાઈહોલાંડી છે.
આ લાંબી-પૂંછડીવાળા ભૂરા પક્ષીની એક વિશેષતા છે કે તે માનવ બાળકોના અવાજોનું અનુકરણ કરી શકે છે. જેમ પોપટ આપણા પરિવારમાં રહેતો હોય અને માનવ અવાજમાં વાત કરતો હોય તેમ. તારોંગા ઝૂએ તાજેતરમાં ટ્વિટર પર ઇકોનો એક વીડિયો પોસ્ટ કર્યો હતો, જેમાં તે બાળકની જેમ રડી રહ્યો છે.
આ અવાજ સાંભળીને કોઈ એવું ન કહી શકે કે આ કોઈ પક્ષીનો અવાજ છે. તેને સાંભળીને તમને લાગશે કે કોઈ બાળક મોટેથી રડે છે. તેની પૂંછડી સંગીતનાં સાધન લીરે જેવી લાગે છે. આ સાધન યુ આકારનું હોય છે. તે પ્રાચીન ગ્રીસમાં વગાડવામાં આવતું હતું. તેથી જ તેનું નામ લીરેબર્ડ રાખવામાં આવ્યું છે. ઓસ્ટ્રેલિયન મ્યુઝિયમ મુજબ, લીરેબર્ડ મિમિક્રીમાં નિષ્ણાત પક્ષી છે એટલે કે અવાજોનું અનુકરણ કરે છે.
Bet you weren't expecting this wake-up call! You're not hearing things, our resident lyrebird Echo has the AMAZING ability to replicate a variety of calls – including a baby's cry!
?️ via keeper Sam #forthewild #tarongatv #animalantics pic.twitter.com/RyU4XpABos
— Taronga Zoo (@tarongazoo) August 30, 2021
તેઓ તેમની આસપાસથી આવતા કોઈપણ પ્રકારના અવાજનું અનુકરણ કરી શકે છે. તે કરવત, કારના એન્જિન, વિવિધ પ્રાણીઓના અવાજો, ભસતા કૂતરાઓ અને અન્ય પક્ષીઓના અવાજોનું અનુકરણ પણ કરી શકે છે. તારોંગા ઝૂના યુનિટ સુપરવાઇઝર લીએન ગોલેબીઓસ્કીએ જણાવ્યું હતું કે ઇકો સાત વર્ષનો છે. તે ઝૂમાં પાવર ડ્રિલ, ફાયર એલાર્મ અને ઇમરજન્સી એક્ઝિટ એલાઉન્સનો અવાજ પણ કરી શકે છે.
ઘણી વખત તે લોકોને જોઈને કહે છે કે, હવે ખાલી કરો, એટલે કે તરત જ ખાલી કરો. પ્રાણી સંગ્રહાલયમાં તેની સંભાળ રાખનાર સ્ટાફનું કહેવું છે કે તેણે લોકડાઉન સમયે આ તમામ અવાજો કરવાનું શરૂ કરી દીધું હતું.