ટીવીની કોમેડી સિરિયલ ‘તારક મહેતા કા ઉલ્ટા ચશ્મા’માં બબીતાજીની ભૂમિકા ભજવીને ખ્યાતિ મેળવનાર મુનમુન દત્તાએ આજે દરેક ઘરમાં પોતાની અલગ ઓળખ ઊભી કરી છે. દર્શકો પણ બબીતાજીમાં પાત્રને ખૂબ પસંદ કરે છે.
બબીતાજી ઉર્ફે મુનમુન દત્તાનો જન્મ 28 સપ્ટેમ્બર 1987 ના રોજ પશ્ચિમ બંગાળના દુર્ગાપુરમાં થયો હતો. માત્ર રીલ લાઈફમાં જ નહીં પરંતુ રિયલ લાઈફમાં પણ મુનમુન દત્તા ખૂબ જ સુંદર અને સ્ટાઈલીશ છે. તે અવારનવાર સોશિયલ મીડિયા પર પોતાના ફોટા શેર કરતી રહે છે. આજે અમે તમને ‘બબીતાજી’ વિશે કેટલીક રસપ્રદ વાતો જણાવવા જઈ રહ્યા છીએ.
વર્ષ 2004 માં તેમણે ઝી ટીવીની સિરિયલ ‘હમ સબ બારાતી’થી પોતાની ટેલિવિઝન કરિયરની શરૂઆત કરી હતી. પ્રથમ પગાર 125 રૂપિયા હતો. અભિનેત્રીએ ખુદ એક ઇન્ટરવ્યૂમાં આ વાતનો ખુલાસો કર્યો હતો. આજે અભિનેત્રી એક એપિસોડ માટે 35 થી 50 હજાર જેટલી તગડી ફી લે છે.
મુનમુન વર્ષ 2006 માં કમલ હસનની ફિલ્મ મુંબઈ એક્સપ્રેસમાં જોવા મળી હતી. મુનમુન ડોક્ટર બનવા માંગતી હતી પરંતુ તેના નસીબને કંઈક બીજું જ મંજૂર હતું. તેમણે એક ઈન્ટરવ્યુમાં કહ્યું કે તે અભ્યાસમાં ખૂબ જ સારી હતી.
બબીતાજીને અય્યરનું પાત્ર મળ્યું અને તેણે મુનમુનનું જીવન બદલી નાખ્યું. છેલ્લા 12 વર્ષથી મુનમુન આ પાત્ર ખૂબ જ સારી રીતે ભજવી રહી છે. આજે તેની ઓળખ કોઈ મોટા સ્ટારથી કમ નથી. એવું કહેવામાં આવે છે કે અરમાન કોહલી સાથે મુનમુનનું અફેર વર્ષ 2008 માં જ શરૂ થયું હતું અને થોડા દિવસો બાદ બંનેનું બ્રેકઅપ થઈ ગયું હતું. તેમના બ્રેકઅપનું કારણ અરમાનનો ગુસ્સો અને આક્રમક સ્વભાવ હોવાનું કહેવામાં આવે છે. વેલેન્ટાઈન ડે પર અરમાન મુનમુન સાથે હતો. અને તેણે માર પણ માર્યો હતો. મુનમુને પોલીસમાં આની ફરિયાદ પણ નોંધાવી હતી. ત્યારબાદ મામલો કોર્ટમાં પહોંચ્યો હતો. ત્યારબાદ અરમાને તેના ગેરવર્તન માટે દંડ ભરવો પડ્યો હતો. ટીવી અભિનેત્રી ડોલી બિન્દ્રાએ આ કેસમાં જુબાની આપી હતી.