આ સીઝનની પહેલી કરોડપતિ બની આ ગૃહિણી, 22 વર્ષથી સતત પ્રયાસ કરી રહી હતી

‘કૌન બનેગા કરોડપતિ સીઝન 14’ સતત ટીઆરપી પર ધમાલ મચાવી રહી છે. આ શોમાં સ્પર્ધકો સતત પોતાનું નસીબ અજમાવવા આવી રહ્યા છે અને મોટી રકમ જીતી રહ્યા છે. પરંતુ અત્યાર સુધી આ સિઝનમાં 1 કરોડ રૂપિયાની રકમ કોઈ જીતી શક્યું નથી. પરંતુ હવે આ સિઝનના પહેલા કરોડપતિની શોધ પૂરી થઈ ગઈ છે. આ વાતનો ખુલાસો એક પ્રોમો દ્વારા થયો હતો. આ પ્રોમોમાં મહારાષ્ટ્રની એક મહિલા શોમાં એક કરોડ રૂપિયા જીતતી જોવા મળી હતી.આ પ્રોમો સોશિયલ મીડિયા પર ઝડપથી વાયરલ થઈ રહ્યો છે.

કવિતા ચાવલા પ્રથમ કરોડપતિ બની



‘KBC 14’ના આ પ્રોમોમાં મહારાષ્ટ્રના કોલ્હાપુરની રહેવાસી કવિતા ચાવલા આ સિઝનની પ્રથમ કરોડપતિ બની છે. જો કે, કવિતા એક ગૃહિણી છે અને આ શોમાં પોતાનું નસીબ અજમાવવા આવી હતી. શોના પ્રોમોથી સ્પષ્ટ છે કે કવિતા 1 કરોડ રૂપિયા જીતીને શોની પહેલી કરોડપતિ બની ગઈ છે, પરંતુ તે 17મા સવાલનો જવાબ આપી શકી કે નહીં તે તો આવનારા એપિસોડમાં જ ખબર પડશે. પ્રોમોમાં શોના હોસ્ટ અમિતાભ બચ્ચન કવિતા ચાવલાને 7.5 કરોડનો છેલ્લો પ્રશ્ન પૂછતા જોવા મળે છે.

2000થી શોમાં દેખાવાની કોશિશ કરી રહી છે



કવિતા ચાવલાએ ટાઈમ્સ ઓફ ઈન્ડિયા સાથે વાત કરતા પોતાના અનુભવ વિશે જણાવ્યું. કવિતા ચાવલાએ કહ્યું- હું અહીં પહોંચીને ખૂબ જ ખુશ છું. મારા પિતા અને પુત્ર સાથે મુંબઈ આવ્યા હતા. કૌન બનેગા કરોડપતિ શોમાં દેખાવાના પ્રયાસમાં વર્ષ 2000 થી કરી રહી છે. હું હંમેશા આ શોનો ભાગ બનવા માંગતી હતી. મારા પરિવારને ખબર નથી કે મેં એક કરોડ રૂપિયા જીત્યા છે. હું ઘરે જઈને બધાને આશ્ચર્યચકિત કરીશ. તમને જણાવી દઈએ કે, કવિતા ચાવટા બીજી વખત શોનો ભાગ બની હતી. અગાઉ તે કેબીસી સિઝનમાં આવી હતી પરંતુ ફાસ્ટ ફાસ્ટ ફિંગર રાઉન્ડમાં બહાર થઈ ગઈ હતી.


વિશ્વની મુસાફરી કરવા માંગો છો



આ સાથે કવિતા ચાવલાએ કહ્યું કે ‘આ વર્ષે ભગવાને મારું સપનું પૂરું કર્યું. આ પૈસાથી હું મારા દીકરાને વધુ ભણાવીશ. જો હું 7.5 કરોડ રૂપિયા જીતીશ તો હું મારો પોતાનો બંગલો બનાવીશ અને દુનિયાની યાત્રા કરીશ.