અમિતાભ બચ્ચનના કો-સ્ટાર હરીશ મેગનનું નિધન, 76 વર્ષની વયે કહ્યું અલવિદા

ગોલ માલ અને નમક હલાલ સહિત અનેક હિન્દી ફિલ્મોમાં અભિનય કરનાર પીઢ અભિનેતા હરીશ મગનનું 1 જૂન, 2023 ના રોજ અવસાન થયું. તેમણે 76 વર્ષની વયે અંતિમ શ્વાસ લીધા. સિને એન્ડ ટીવી આર્ટિસ્ટ એસોસિએશન (CINTAA) એ ટ્વિટર પર સમાચાર પોસ્ટ કર્યા અને લખ્યું, “CINTAA હરીશ મગનના નિધન પર શોક વ્યક્ત કરે છે. ફિલ્મ વિવેચકો અને દિગ્ગજોએ હરીશના નિધન પર શોક વ્યક્ત કર્યો છે. પવન ઝાએ ટ્વીટર પર હરીશ મગનના નિધન પર શોક વ્યક્ત કર્યો અને લખ્યું, “હરીશ મગનને હિન્દી સિનેમામાં તે સુંદર કેમિયો માટે હંમેશા યાદ કરવામાં આવશે. FTII સ્નાતક, તે ગુલઝારના સહાયક મેરાજના નજીકના મિત્ર હતા.

હરીશે ‘ગોલમાલ’ અને ‘શહેનશાહ’ જેવી ફિલ્મો દ્વારા બોલિવૂડમાં એક ખાસ સ્થાન બનાવ્યું હતું. હરીશના પરિવારમાં તેની પત્ની, પુત્ર સિદ્ધાર્થ અને પુત્રી આરુષિ છે. હરીશના મૃત્યુનું કારણ શું છે તેની માહિતી બહાર આવી નથી. રિપોર્ટ્સ અનુસાર, હરિ લાંબા સમયથી ફિલ્મી દુનિયાથી દૂર મુંબઈમાં એક્ટિંગ સ્કૂલ ચલાવતો હતો.

સિને એન્ડ ટીવી આર્ટિસ્ટ એસોસિએશને ટ્વિટર દ્વારા હરીશના મૃત્યુની માહિતી શેર કરી છે. હરીશ 1988 થી આ એસોસિએશનના સભ્ય હતા. હરીશનો જન્મ 6 ડિસેમ્બર 1946ના રોજ થયો હતો. તેણે FTIIમાંથી અભિનયના પાઠ લીધા હતા અને 1974 બેચના વિદ્યાર્થી હતા. ‘ચુપકે ચુપકે’, ‘મુક્કદર કા સિકંદર’ જેવી ફિલ્મોમાં દેખાઈ ચૂકેલ હરીશ છેલ્લે 1997માં આવેલી ફિલ્મ ‘ઉફ્ફ યે મોહબ્બત’માં જોવા મળ્યો હતો.