કપૂર પરિવારમાં ગૂંજી કિલકારીઓ, આલિયા ભટ્ટે આપ્યો પુત્રીને જન્મ

આલિયા ભટ્ટ અને રણબીર કપૂરના ઘરે 6 નવેમ્બર 2022ના રોજ દીકરીનો જન્મ થયો હતો. નાની ઢીંગલીના જન્મ બાદ સોની રાઝદાન અને નીતુ સિંહ હોસ્પિટલ પહોંચ્યા હતા. ભટ્ટ અને કપૂર બંને પરિવારમાં ઉજવણીનો માહોલ જોવા મળી રહ્યો છે. દરેક લોકો આલિયા ભટ્ટ અને રણબીર કપૂરને શુભેચ્છાઓ મોકલી રહ્યા છે. આલિયા ભટ્ટે પણ ડિલિવરી પછી સોશિયલ મીડિયા પર પોતાની પહેલી પોસ્ટ કરી છે. ચાહકોને ખુશખબર આપતા આલિયાએ કહ્યું કે તે ઘરે ‘જાદુઈ છોકરી’ બનીને આવી છે.

ડિલિવરી પછી આલિયાની પહેલી પોસ્ટ



આલિયા ભટ્ટે પોતાની દીકરીના જન્મના ખુશખબર સોશિયલ મીડિયા પર પોસ્ટ કરીને આપ્યા છે. આલિયાની ડિલિવરી પછી પોસ્ટ કરવા બદલ ચાહકો તેને અને રણબીરને અભિનંદન આપી રહ્યા છે. આલિયાની પોસ્ટમાં સિંહ-સિંહણ અને નાના સિંહની તસવીર જોઈ શકાય છે. તમને જણાવી દઈએ કે પ્રેગ્નેન્સીની જાહેરાત દરમિયાન અભિનેત્રીએ આવી જ એક તસવીર પોસ્ટ કરી હતી.



આલિયા ભટ્ટે પોસ્ટમાં લખ્યું, અને અમારા જીવનના સૌથી સારા સમાચાર:- અમારું બાળક આવી ગયું છે… અને તે એક જાદુઈ બાળકી જેવી છે. અમે સત્તાવાર રીતે પ્રેમમાં છીએ…આશીર્વાદિત અને ભ્રમિત માતાપિતા…પ્રેમ પ્રેમ પ્રેમ…આલિયા અને રણબીર

આલિયા ભટ્ટની પોસ્ટિંગ પછી, તેની માતા સોની રાઝદાન, રણબીર કપૂરની માતા નીતુ સિંહે પણ ચાહકોને તેમના સત્તાવાર સોશિયલ મીડિયા એકાઉન્ટ્સ પર દાદી બનવાના સારા સમાચાર આપ્યા છે. આ સાથે રણબીર કપૂરની બહેને પણ ઈન્સ્ટાગ્રામ પર પોસ્ટ કરીને તેની કાકી બનવાની ખુશી વ્યક્ત કરી છે.આલિયા ભટ્ટની આ પોસ્ટ બાદ ચાહકો નાની દીકરીની પહેલી ઝલક જોવા માટે ઉત્સુક છે.